14 November, 2006

ત્રણ ગઝલો : અશોક પી. જોશી. ‘બુઝદિલ’ છાંયા-જામનગર.




૧.
મળી ના શકાય તો એકાદ કાગળ લખ,
થોડુંક અાગળ ને થોડુંક પાછળ લખ.

શક્ય છે કાગળ શોધવાનો સમય ન હોય,
અાકાશ પાસેથી લઇ ઉછીનું વાદળ લખ.

લખતાં ભલે ને ખુટી જાય શાહી સઘળી,
ફૂલો પરથી લઇને થોડી ઝાંકળ લખ.

સરનામું જરૂરી નથી હોતું પ્રણયમાં,
હૃદય સુધી જવાની કોઇ અટકળ લખ.

તારી યાદમાં વરસ્યાં નયનો ‘બુઝદિલ’,
થયું હતું તમારું શું એ પળેપળ લખ.



૨.
ઝલક તારી જોઇને રચાય ગઝલ,
ગઝલમાં તું ને તારામાં સમાય ગઝલ.

જૂલ્ફોની આંટીઘુંટીમાં અટવાયા કરે છે,
ચહેરા પર સતત લહેરાય ગઝલ.

અાંખોની અટારીએ ઉપસે ચહેરોને-
પાંપણનાં પલકારે શરમાય ગઝલ.

યાદ સતાવે મનભાવન વાલમની ત્યારે,
અાંખોનાં અારેથી છલકાય ગઝલ.

શમણાંમાં સાંપડે સંગાથ એનો તો-
પ્રથમ પહોરમાં મલકાય ગઝલ.

મિલન વેળાએ મૌન રહી 'બુઝદિલ'
એકમેકનાં રંગમાં રંગાય ગઝલ.




ના પૂછો કે દિલને અા શું થઇ ગયું
જ્યારથી નિહાળ્યા તમને તમારું થઇ ગયું

દિલને સ્પરશી ગઇ એ છો સુરત તમે
અાંખોમાં જે વસી ગઇ અે મુરત છો તમે
અાંખોઅાંખોમાં એવું તે શું થઇ ગયું
જ્યારથી....

તારી જુલ્્ફોની છાંવમાં છૂપાયા કરું
તારી અાંખોની અટારીએ ડોકાયા કરું
હોઠ ખીલ્યા તમારાને શું થઇ ગયું?
જ્યારથી...

બે ડગલાં હજૂ ચાલ્યા સાથ તમે
ધરી દીધો છે હાથમાં હાથ તમે
હાથ ઝાલ્યો તમારો ને શું થઇ ગયું
જ્યારથી...

બુઝદિલનાં અરમાનો ફળી ગયાં
શોધતાં'તા જેને એ મળી ગયાં
સંગ કીધો તમારોને શું થઇ ગયું
જ્યારથી...

2 comments:

વિવેક said...

સરસ ગઝલો... અભિનંદન...


શક્ય છે કાગળ શોધવાનો સમય ન હોય,
આકાશ પાસેથી લઇ ઉછીનું વાદળ લખ.

લખતાં ભલે ને ખુટી જાય શાહી સઘળી,
ફૂલો પરથી લઇને થોડી ઝાંકળ લખ.

સરનામું જરૂરી નથી હોતું પ્રણયમાં,
હૃદય સુધી જવાની કોઇ અટકળ લખ.

- સુંદર સ્પંદનો અને મજાનાં કલ્પન...

Anonymous said...

સરસ ગઝલો ,
અભિનંદન.